‘శుభ్రము 2’ కి పొడగింపు(Continued from lastpost) ….
బుద్ది శుద్ది చేయడము కర్మ, జ్ఞాన , మరియు భక్తి మార్గముల ద్వారా సాధ్యము. వీటిని మూడింటిని ఒకదానితో ఒకటి కలిపి చూస్తేనే సాధన పరిపూర్ణము అవుతుంది. టూకీగా చెప్పాలంటే – సత్కర్మలు చేయడమువలన , జ్ఞానము నందు ఆసక్తి కలుగుతుంది, జ్ఞానము వలన బుద్ది శుద్ది అయి భక్తి కలిగి మోక్షమునకు (సత్ చిత్ ఆనందస్తితి లేక పరమాత్మ స్తితికి ) దారితీస్తుంది.
కర్మ – మార్గము అంటే సత్కర్మలు చేయడము. సత్కర్మలు అంటే మంచి కర్మలు. దేవునిపై విశ్వాసము , మనుషులపై , జంతువులపై, పక్షులపై, సర్వ ప్రక్రుతిపై ప్రేమ మాత్రమే (ద్వేషము లేని) కలిగిఉండడము. గమనించండి – తండ్రి అయిన దేవుడు(నిరకారము) మరియు తల్లి అయిన ప్రక్రుతి ( సకారము ) మనకు , జీవులన్నింటికి కావలసినవని ఇస్తూ కూడ మననించి ప్రేమ మాత్రమే ఆశిస్తారు. ఇలాంటి ప్రేమనే మనము దేవునిపై , ప్రక్రుతిపై , సర్వ ప్రాణులపై ప్రకటించాలి. ఇదే కర్మ మార్గము. భగవంతుని ప్రార్థించడము , పూజలు చేయడము , తీర్థయాత్రలు చేయడము వీటిలో భాగమే. ఇలాంటి సత్కర్మలు మనము తప్పక చేయాలి . వీటివల్ల జ్ఞానము పై ఆసక్తి కలుగుతుంది. ఆధ్యాత్మిక మార్గములో సత్కర్మలు మనము వేసే మొదటి అడుగులు.
ఇంకావుంది(Continued )…
